“WE DON’T ACCEPT CHECKS.” Ilang beses ko na narinig ‘to. Mahirap na kasi, kahit ako ang negosyante, hindi rin ako papayag, pwera na lang kung matagal ko na siyang kliyente.
Kung tutuusin ay maraming pakinabang ang paggamit ng tseke.
Una, mabilis ang transaksyon. Hindi kasi karaniwang nagdadala ng libo-libo o milyon-milyong pera ang mga tao sa bulsa dahil nasa banko lang ang kanilang mga kayamanan, unless kagayan mo ang mga Ampatuan na may sariling Bank Vault sa bahay.
Kaya sa mga panahong kailangan masarado ang deal na agad-agad, tseke ang soluyon.
Pangalawa, kaligtasan. Halimbawa bibili ka ng sasakyan at magbibigay ka ng downpayment na P500,000, kaya mo bang mag-withdraw ng ganong halaga sa bangko at dalhin sa lugar ng usapan nang hindi namamatay sa nerbyos?
Kaya kung magbabayad ka ng malaking halaga, mas mainam na i-tseke mo na lang. Dahil kung mawala o mapasakamay man ng ibang tao ang tseke, hindi pa rin nila ito mapapakinabangan kung naka cross check o payable lang sa account ng payee.
Kaso, dahil sa pag-abuso at mga panloloko gamit ang tseke, naging allergic na ang iba. Ito ang dahilan kaya pinatupad ang batas laban sa pagsira ng integridad ng tseke sa kalakalan.
Hindi lang isa, kung dalawa ang maaring haraping kaso ng isang nagpatalbog ng tseke: (1) Ang paglabag sa Batas Pambansa Blg. 22 o ang Anti-Bouncing Check Law at; (2) Estafa under Article 315, paragraph 2(d), ng Revised Penal Code.
ELEMENTS NG BP 22
Nais ko munang linawin na pinaparusahan ang taong lumabag sa BP 22 hindi dahil sa may utang sila, kundi dahil sinisira nila ang kahalagahan ng tseke sa lipunan at kalakalan. Tulad sa naunang sinabi ko, “walang nakukulong sa utang.”
Kaya may tatlong elemento ang BP 22 na dapat patunayan para makalaboso ang nag-isyu ng talbog na tseke:
(1) Syempre una ang paggawa at pag-isyu ng tseke para ipambayad (the making, drawing, and issuance of any check to apply for account or for value).
Kung walang tseke, walang kaso. Laging pinapalagay (presumed) na ang tseke ay inisyu na may konsiderasyon tulad ng pambayad sa utang, pinambili, etc. Kaya hindi mo pwedeng sabihin na nag-isyu ka ng tseke para i-accommodate lang ang kaibigan mo at wala kang natanggap ni isang kusing.
(2) Alam ng akusado na noong araw na inisyu niya ang tseke ay wala itong pondo kapag napresenta sa bangko para kubrahin.
(3) At ang pag-dishonor ng bangko sa tseke dahil kulang sa pondo o di kaya ay pinahinto ng nag-isyu nito (stop order payment) na walang dahilan. In short, tumalbog ang tseke.
Lack of Notice bilang depensa sa BP 22
Hindi sapat na basta na lang tumalbog ang tseke. Kailangan mapatunayan nang walang kaduda-duda na alam ng nag-isyu ng tseke na wala itong pondo noong inisyu niya.
E pa’no niya malalaman na tumalbog ang tseke niya?
Dapat padalhan mo siya ng love letter.
Nakalagay kasi sa BP 22 na dapat ipaalam sa nag-isyu ng tseke, sa pamamagitan ng sulat, na talbog ang tseke niya at dapat bayaran niya itong ng limang (5) araw. Kung hindi pa rin siya nagbayad sa loob ng limang (5) araw, pwede mo na siyang sampahan ng kaso sa paglabag ng BP 22.
Kaya kung wala kang maipakitang katunayan na may written notice ka sa nag-isyu ng tseke, talo ang kaso mo. Hindi sapat ang verbal notice lang ayon sa Korte Suprema. Hindi lang yun, dapat ay matanggap nang aktuwal ng nag-isyu ng tseke ang sulat.
Kaya huwag muna sayangin ang laway mo, kahit bumula pa ang bibig mo sa kakamura sa taong nagpatalbog ng tseke, hindi ‘yan papansinin ng hukom bilang katunayan na may notice kang binigay.
“Mahirap gisingin ang taong nagtutulog-tulugan,” kaya mahirap din padalhan ng sulat ang taong ayaw makatanggap. Ito ang reyalidad ngayon, dahil sa desisyon ng Korte Suprema, ang mga hustler, swindler at estafador, ay nakakaiwas sa kasong ito dahil magaling silang magtago.
Kahit alam naman talaga natin na alam nang nag-isyu ng tseke na walang pondo ito, hindi pa rin sila ma-convict dahil walang written notice, dinadaan nila sa technicalities at loophole na ito.
NAPUTULAN NG PANGIL
Ang paglabag sa BP 22 ay may parusang kulong na hindi bababa sa 30 araw at hindi lalampas ng 1 taon; o multa na hindi bababa sa halaga ng tseke at hindi lalampas ng doble sa halaga ng tseke o halagang P200,000. Pwede ring parusang ng sabay na kulong at multa ang akusado depende sa utos ng hukom.
Ngunit sa isang kaso na may titulong “Eduardo Vaca vs. Court of Appeals” ay tinanggal ang parusang kulong na binigay ng mababang hukuman sa akusado.
Matapos nito ay nagpalabas ng Administrative Circular No. 12-2000 (as clarified by A.C. 13-2001) ang Korte Suprema kung saan pinapaalalahanan ang mga hukom na kung maaari ay hatulan lamang ng multa ang mga akusado sa kasong BP 22 depende sa sitwasyon.
Mangyari, kung first time offender lang ang akusado ay multa lang dapat ang ibigay na parusa, pero kung estafador talaga, maaring ipataw ang parusang kulong.
Kaya ang dating bangis ng BP 22 ay medyo nabawasan dahil multa na lang ang maaring abutin ng nagpatalbog ng tseke at ang naunang intensiyon ng batas ay parang kumupas, ito ay opinyon ko lang (at ng maraming tao na rin hehe)
ELEMENTS OF ESTAFA
Bukod sa paglabag sa BP 22 ang taong nagpatalbog ng tseke ay maari ring maharap sa kasong Estafa under Article 315, paragraph 2 ng Revised Penal Code.
Kung ang layunin ng BP 22 ay upang protektahan ng estado ang integredad ng tseke bilang gamit sa pangangalakal. Ang layunin naman ng kasong estafa ay upang ikulong ang mga manloloko.
Kaya ‘di tulad ng kasong BP 22 na ang pag-isyu ng tseke ay sapat na para kasuhan. Sa kasong estafa ay dapat may elemento ng panloloko o deceit.
Dahil diyan ay pwedeng ma-convict ang isang akusado sa BP 22 at hindi sa Estafa.
Halimbawa, may utang ka at pinambayad mo ay mga tseke. Kapag pumasok ang mga naunang tseke ngunit yung nahuling tseke ay tumalbog, BP 22 lang ang kaso mo dahil walang elemento ng deceit. Walang panloloko dahil may intensiyon ka talagang magbayad at patunay diyan ang mga unang pumasok na tseke.
Ngunit kong may bumili sa iyo ng alahas, at ginamit na pambayad ay mga tseke, tapos unang hulog mo sa tseke ay talbog kaagad, pwedeng pumasok yan sa kasong estafa bukod sa paglabag sa BP 22. Sa halimbawang ito ay talagang walang intensiyon na magbayad ang lokong ‘yun sa simula pa lamang. ‘Di tulad sa naunang halimbawa na pumalya lang sa pagbabayad.
Kaya yan, masalimuot talaga ang mga tseke. Kaya mag-ingat lagi.
Kung mayroon pang pagkakatiwalaang tseke ito ang manager o cashier’s check na sinasabing “good as cash”. Ito kasi ay inisyu mismo ng bangko at may nakalaang pondo na para dito, ngunit siguraduhing i-verify muna sa branch na nag-isyu.
Pero kahit ano ang sabihin mo, eto lang ang masasabi ko,
“Cash is always the King”.
——————————–
“In God we trust, all other pay cash” – Anonymous
SOURCES: Batas Pambansa Bilang 22; Article 315 par. 2, RPC; Chua vs People, G.R. Nos. 150926 and 30, March 6, 2006; Bax vs People, G.R. No. 149858, September 5, 2007; Josef vs People, G.R. No. 146424, November 18, 2005; SC AC No. 12-2000 , 13-2001.
{ 85 comments… read them below or add one }
Next Comments →
Base..hehe
ganun pala ang halaga ng checks..hindi ko pa naranasan mag check account.dagdag kaalaman uli sa akin ito atty..salamat uli sa legal advise.
kuya boy may tanong po ulet ako .. ano po ba ang elements ng kasong “estafa” bukod sa BP22? pwede po ba akong magkaso ng “estafa” kahit wala pong BP22 na kasama?
3rd lang ako sa comment, sayang! lols! ^^
anyway, ganyan pala yang mga paliwanag nyan.. at penalty lang pala sa BP22 lalo pag unang beses palang naman. madami na nga takot sa tseke bukod sa maaaring tumalbog eh marami pa minsang proseso. pero ang tseke pala ay may sariling batas na ginawa para protektahan ang kanyang kredibilidad astig!
salamat po! additional info, we’re learning!
ang sipag mong mag post atty haha kahit linggo walang patawad!
aba kailangan mabasa to ng kaibigan ko
naloko kasi siya ng kilalang tao sa amin. inisyuhan ba naman ng cheke sa close na account. hahaha
ngayun ayaw na nyang magsampa ng kaso dahil kukulangin lang daw yung 40k na utang nung tao ipambayad sa atty na katulad mo tito boy:D
Checks…. kala ko Chicks…..pwede sana…heheh… actually, yan ang pinangbabayad namin ngaun sa House namin thru Checks, Postdated nga lang…for One year…. kaysa naman punta ka nang punta sa Opisina nang Developer… mas convenient…. iyan ang kagandahan nang Tseke…Bastat marunong ka lang mag pondo sa bangko, wala kang problema…
Tanong po, base sa BP 22 kailangan ipaalam sa nag isyu nang tseke sa pamamagitan nang sulat na tumalbog ang tseke nya, eh papaano po kung binibigay mo na iyong sulat at ayaw niyang tanggapin/recieve puro pangako lang…. at sasabihin sa korte di sya nakatanggap nang sulat…. anong basehan mo para sabihin sa korte na nagpadala ka….. ? kailangan ba pag inabot mo ang sulat may witness ka or may kasama ka kahit di nya i-receive ang letter?
panyero, anong pwedeng gawin sa mga taong ayaw tumanggap ng sulat, at isa pa bakit hindi pwedeng baguhin yong isang elemento ng BP22 eh kitang kita naman na malabong accept ng taong nagtatago ang sulat na dala-dala mo, karaniwang nangyayari, palipat-lipat lang ng tirahan, lusot na. hahays.
salamat muli sa bagong lesson.
@onesoundrum, kapag nag housing or auto loan ka tulad ni xtremus, kailangan mo magbukas ng checking account.
@maria, pareho ng elemento ng bp22 ang estafa under Art. 315 par2(d) plus ang elemento ng deceit:
1 )pag-issue ng check;
2)alam ng mag-isyu na walang pondo;
3) tumalbog ang tseke noong na-presenta sa bangko;
4) elemento ng deceit o panloloko.
Kung titignan mo, mas madali patunayan ang bp22 kasi hindi na kailangan ng elemento ng deceit. Kaya kung kakasuhan mo na rin lang yung nag-isyu ng check at gagastos ng abugado, edi isama mo na yung bp 22.
@Bonn aka Most Handsome Blogger, kung ang nag-isyu ng check ay malalaking kumpanya at mga institusyon, hindi ka dapat kabahan.
Hindi kasi ako naka post ng fri at thursday kaya bumawi hehe.
@jongskie, kung malalaking firm sa makati ang kukunin mo e kulang nga yun acceptance pa lang haha. Kaya patira mo na lang yan sa kaibigan mong abugado.
Anyway, may “fear factor” ang pagsampa ng bp 22 at estafa kesa sa ordinary civil case kasi may kulong na kasama, kaya mas effective ang ganitong collection method.
@ xtremus, oo nga, nakalimutan ko pang banggitin ang isa pang gamit ng tseke ang “convenience”.
Basta, lagi lang i-monitor para hindi bumaba sa maintaining balance at syempre hindi matalbugan kasi may penalty rin, sayang.
@Batangmanyan aka the Most Handsome Mangyan Blogger, kung ayaw i-receive, itapon mo sa mukha niya.
Para service of summons yan ng korte. “If he refuses to receive and sign for it, by tendering it to him”.
Basta dapat mag-testify ang taong nagbigay ng letter during the trial para patunayang pinadalhan siya ng sulat.
Kapag palipat-lipat, e talagang dapat hanapin.
Hmmm maganda itong usapang tseke na ito lalo na sa mga nagbabalak kumuha ng loan at mag-negosyo, kapaki-pakinabang talaga.
Atty. nabanggit sa BP22 ang parusa na ito
“Ang paglabag sa BP 22 ay may parusang kulong na hindi bababa sa 30 araw at hindi lalampas ng 1 taon; o multa na hindi bababa sa halaga ng tseke at hindi lalampas ng doble sa halaga ng tseke o halagang P200,000.”
parang naguluhan ako ah, sa parte na hindi baba sa halaga ng tseke malinaw pero may “at” , ibig ba sabihin nito magbabayad pa ulit yung may atraso ng hindi lalampas sa doble ng halaga o P200,00?
Tungkol naman sa sulat, pwede ba gamitin ang email sa pagpapaalam sa may utang sa iyo na tumalbog ang tseke na inisyu? Pwede rin ba gamitin na ebidensya ang litrato sa pagtanggap niya ng sulat? Dapat may receiving copy din ba ang nagbigay?
Dami kong tanong ah, hehe. Sensya na po.
@ferdz, maganda mga tanong mo:
1) Ibig sabihin, ang multa ay hindi lalampas ng doble ng halaga ng tseke at hindi rin lalampas ng P200K. So P200K lang ang maximum.
Penalty pa lang yan, bukod pa doon ang mismong utang. Kasi ginawa ang batas, kopong-kopong pa kaya malaki pa dati ang P200K.
2. Ok din ang internet, kaso maari lang i-deny, tulad ng no. ng cellphone. Wala kasing registration ng email address, baka i-claim na hindi kanya yun. Kaya mas maganda ang oldskul snail mail.
3. Litrato mas maganda, video ok rin. Tama, dapat may receiving copy. Kung ayaw tanggapin, ilagay sa receiving copy ang note na “refused to receive”
Salamat sa pagklaro Atty. Malaki na rin ang 200K, pero kung ang utang ay milyon na ang usapan hehe maliit nga.
may alam ako na manloloko sa pag issue ng bdo steke nya. puro talbog pero gang ngayun malaya at patago tago pa rin c alona abadilla ng merchant st. lucena city.
@carlene, baka ma-libel ka niyan hehe
thanks tito rob este tito boy!
ndi po namin makasuhan ng bp22 dahil sa developer ng bahay nya iniisyu ang tseke and kami lang ang nagpapadala sa acct nya ng pampondo .. meaning SPA namin sya sa pagbili ng bahay ..
tapos ang pampondo naman na pinapadala namin sa kanya sa iba pala nya pinopondo .. acccheee!! sarap hambalusin nuh! sakit sa bangs!!
@maria, baka papasang estafa yun dahil may halong panloloko. (Note: Hindi estafa under bouncing check [paragraph 2d], maraming kasing klase ang estafa, basta panloloko, pasok sa estafa!)
sori po tito boy. paki bura na lang po. ask ko na lang po kung hanggang kelan ang bisa ng talbog na tseke. ilang buwan po ba yun
@carlene, 4 yrs prescription ng bp22. ibig sabihin kapag hindi ka sinampahan ng kasong bp22 noong araw na tumalbog yan after 4 years, paso na yan at hindi kana pwedeng kasuhan ng bp22 4-EVA!
-or-
6 months or 180 days after the issuance of the check at hindi pa rin na deposit, masasabing “stale” na ang check at pwede ka nang makalusot sa bp 22.
Buti na lang may website na ganito. At tagalog pa! Atty., unang-una po, gusto ko kayong i-congratulate at pasalamatan dahil malaking tulong ang website na ito sa ating mga Pinoy at talaga namang napaka-klaro ng paliwanag ninyo.
Atty., ito po yung concern ko: 3 years ago bumili po kasi ako ng sasakyan. May kaibigan po ako na nag convince sa akin na yung perang pinambili ko ng sasakyan, e sana in-invest ko na lang sa kanya at siguradong kikita ako.
May ipinakita po syang dokumento sa akin na galing sa banko nya na kung makakabayad sya ng 600,000 sa banko kung saan naka sanla ang kanyang lupa na may apartments eh maihihiwalay daw yung isang parte ng lupa na nakasanla. Yung maihi-hiwalay na lupa na iyon ang ibibigay nya sa akin kapag nagbigay ako ng pera sa kanya.
Na-convince naman ako kasi may nakatayong apartment sa lupa na ito na kumikita ng 10,000/month. Kaya sa isip ko, good deal ito. Ang buong property na nakasanla ng kaibigan ko ay may walong apartments, kaya kumikita sya ng 80,000 a month sa renta, pero ang sabi nya, wala rin natitira sa kanya kasi nagbabayad sya ng interest sa banko.
Ibinenta ko agad ang sasakyan ko at binayaran ko sya ng 600,000. But, unfortunately, hangga ngayon po eh walang nai-hihiwalay na lupa. Walang natupad sa ipinangako nya. Kaya last November, sinabi ko sa kanya na ibalik na lang pera ko, nag issue sya ng tseke nung November pero nung i-deposit ko eh nag bounce due to insufficient funds. To make the story short, nasira ang pagkakaibigan namin.
Tinatawagan ko sya every week at nangakong magbabayad pero di naman natutupad. Sinabihan ko na rin sya na magdedemanda ako ng estafa, pero di raw sya natatakot dahil di naman daw nya ako niloko at wala naman daw nakukulong sa bouncing checks, di sya bilib sa Philippine Judicial System.
Well, Atty., I’m sorry ang haba ng kwento ko, tanong ko lang po kung pwede ko syang kasuhan ng estafa aside from BP-22, may laban po ba ako Atty?
Paano kung sabihin nya sa akin na wala talaga syang pambayad, samantalang may monthly rental sya ng 80,000, pinambabayad day nya yun sa utang sa banko, eh paano naman ako?
Mukhang di ko na makukuha sa pakiusap itong kaibigan ko na ito kaya kung may laban ako, kakasuhan ko na lang. Pwede ba ang estafa sa kaso na ito Atty?
Maraming salamat po sa inyo ulit.
@Reggie, pang telenobela pala ang buhay mo, pwede nang isang entry ng blog ang comment mo hehe. OK lang yun.
Matatagpuan dito ang kasagutan sa iyong katanungan:
http://www.panyero.net/forum/index.php?topic=18.0
Atty Magandang araw po!
Need ko lang po advice nyo,
Nag loan po ako sa isang Financial Inst. worth P25, 000. nakapag bayad naman po ako sa pamamagitan ng checks. But 2003 I went to Singapore para mag work po sana yun din po yung time na nag karoon ako ng marital problem. Suma tutal naka kalahati lng ako ng bayad. Nawalan na din po ako ng work.
Yung letter po dumadating sa haus ng dati kung husband hiwalay na po kami. Nakuha ko po yung subpoena at nkpag pasa po ako ng counter Mar 2004. After po, wala na po akong narcvd. Nk ilang lipat po kami ng haus hanggang dumating po ang 2010 nakarcvd ako ng letter from Mtc q.c na warrant na po pero ang date nya ay Mar 19, 2007, tapos reset daw po ang arrignment Oct 1, 2007. Ang tanong po eh 2010 na po ngaun? ano po ang dapat kong gawin. 10 chcks po for the total of 17, 500 ang hindi ko na lang nababayaran, at according po dun sa CA dapat ko daw pong bayaran ay P30,000 na at ESTAFA na daw po yung kaso aside from bp22.
Actually po nag appear po ako sa court dun sa quezon city at nakapag pasa na din ako ng counter affidavit ko. After po ng Mar 2004, wala na kong natanggap kasi di naman po ako nakatira sa bahay ng asawa ko. Then ngayong year po 2010, may narecieved ako na letter from MTC q.c na warrant na po pero ang date nya ay Mar 19, 2007,( XEROX COPY LANG PO YUNG NATANGGAP KO )
May nakalagay po na crim case no. tapos for viol of bp 22
ORDER
When these cases were called for arraignment the accused failed to appear despite due notice.
In view thereof and upon motion of ACP cONSTANTE aLONZO, let a warrant of arrest be issued against the accused. Set bail in the amount of 20,000 for her provisional liberty.
In the meantime, the arraignment is reset on Oct 1, 2007 @ 8:30 am
SO ORDERED.
Quezon City , MM March 19, 2007
na cc of ang NBI / Warrant supboena Sec eastern police.
Atty, pasensya na po at medyo may kahabaan yung kwento. Ano na po kaya ang status? Maraming Salamat po.
Ms. Hopeful Salamat po at na share nyo sakin itong site.
The warrant was issued against you for estafa because you failed to attend the arraignment despite due notice, and the fact that you transferred residence several times without informing your creditor.
You need to post bail at the court which issued the warrant.
TB, pede pa bang I quash ito instead of posting bail on the ground that there is no ESTAFA since this is a pre-existing obligation where some payments were made as such there is no intent to defraud?
Wait mo final advice ni Tito Boy.
gud pm po tito boy, tanong ko po ay pano po ba yung tseke na ini issue sakin pero hindi naman mapondohan nug nag issue at sinabi na huhulugan na lang nya. pede po ba na humingi ako ulit ng tseke kung ano yung balance para may laban po ako? salamat po.
@carlene, oo humingi ka nalang ulit, pasamahan mo ng siopao.
Ang galing ng site na ito. Ang galing mag explain ng abogado. Salamat, Atty! Very informative talaga compared sa ibang sites.
@ Rand salamat at balik ka lagi dito kung wala kang magawa o pagkatapos mo magsipilyo hehe..
hello atty magandang araw po sa inyo.
sino po pwede mag advise sa aki n pls?
meron po akong kasalukuyang utang nag loan po ako sa isang lending gumamit po ako ng tseke dahil ang sabi ni ako pwede mangutang sa kanila hangat wala po akong checking account kc un po ang gagamitin.
na approve po ung loan ko sa kanila babayaran ko daw un sa loob ng isang taon at twice a month po ako magbabayad nag issue po ako ng 24 checks sa kanila. kaya lang ang nangyari after a week tumawag po ung bank sa akin na ma close na po daw ung checking account ko dahil nag pahiram po ako ng checke sa fren ko na di niya napunduhan..so ang ginawa ko po nagsabi ako dun sa lending company na wag nila ipasok ung check ko kc nag close account siya sabi ko sa kanila mag replace ako ng check kapalit nung naunang check bale siyam na checke po ung ipinalit ko kc hiniram ko lang din po ung cheke na yon, so meron pa akong remaining sa kanila na di ko pa napalitan. na good ko po un lahat ng ni replace kong check
ang problema ko po ngaun is wala na po akong pamalit dun sa remaining check kc di na ako nakakakhiram dun fren ko ang ginawa ko po ako po mismo ang pumupunta dun sa opisina nila para magbayad ng cash,
nagkaproblema po ako ngaun kc dalawang buwan na po ako di nakakabayad sa kanila kc di na po sapat ang kinikita ko para makapag bayad nakikiusap ako sa kanila sa babayaran ko sila next month e full payment ko na ung remaining ko kahit wala pang isang taon ung utang ko bayaran ko na po ng buo.. ngayon po ayaw nila pumayag na next month pa po ako magbabayad sa halagang 9,000 na balanse ko sa kabuuan ng isang taon. panay po ang txt nila sa akin at sinasabi na kakasuhan daw nila ako sa halagang 9K dahil meron po daw ako mga remaining na check sa kanila na nag duedue. sinabi ko sa kanila na wala na po ako mag due na checke sa kanila kc ung natirang checke sa umpisa palang sinabi ko na sa kanila na close account na yon kaya nga po ako nag replace ng cheke sa kanila kaya lang di lang completo dahil siyam lang ang na replace ko out of 24 checks.
maari po ba nila akong ipakulong at kasuhan ng staffa dahil dun sa mga remaining checks ko?
ang remaining balance ko po sa kanila is 9,000 lang po na pwede ko namng bayaran ng cash pag meron na ako pambayad at nangangako sa kanila sa next month bayaran ko ng buo.
@greg, nananakot lang mga yun. Pwede ka kasuhan ng bp 22 kaso wala naman kulong yun. Ibabato rin ng korte yan sa mediation, at dun kayo mag-aayos.
Hindi rin naman papasok sa estafa kaso mo dahil ito ay utang at hindi ka naman nanloloko.
P9K na lang pala, kaya bunuin mo na lang ^_^.
maraming salamat po atty. natatakot lamang po ako na baka magkaroon ako ng record dahil sa utang.
salamat po
lesson learned for you is not to lend ur checks to someone else
hello po .. gusto ko lang po mag ask ng advice. Nag loan po ako sa bangko and checke po yung requirements for payment. Tinulungan ako ng kaibigan ko na maka open ng checking account para maka avail ako ng loan. Ok naman po yung check pero po nung time na nag start ng tumalbog yung check pinadalhan nila ako ng sulat n tumalbog yung checke at close na yung acct. Dali dali naman ako pumunta ng bangko at nagbayad ako dun sa tumalbog pero hindi po nila binalik yung check na tumalbog. Ang sabi po pag natapos yung loan ko tsaka ibabalik yung mga tumalbog. Nagkataon naman po na nagkasakit at labas masok sa hospital. Siguro po inabot lang po ng malas nung taon na yun. Ngunit ang sumunod na balita ay magsasara yyung kumpanya, di nawalan ako ng trabaho. After 5 months sa awa ng diyos nabigyan ako ng trabaho. Ang problema ko po, eto na binabalikan na po ako ng bangko, sinisingil na po nila ako. Bale nsa 70k pa yung principal n utang ko. Nakikiusap ako dun sa collection officer ng bangko na maghuhulog ako every month pero 2k muna for 4 months then increase ko na kse katatanggap ko lang sa trabaho. Ang masakit dun, pine pressure ako n maghulog sa higit pa sa kakayahan ko tapos tinatakot ako na idedemanda ako. Naka receive ako ng letter na inendorse na sa isang collection agency yung utang ako at ng makita ko yung amount halos doble na 160,000 plus. kasama daw dun yyung interest. Pls advice me kung pano makipag compromise sa collection agency, in good faith naman ako magbabayad kaso hindi pa ganun kalaki. Pano ko rin po mapababa yung total loan ko? pls advice me….
@tina, kausapin mo ulit sila, magbigay ka ng offer kung paano mo mababayaran, let say 2k a month until fully paid. Mas maganda rin na samahan mo ng down (e.g. 10k or magkano kaya mo) para sign na you are willing to pay your entire obligation. Ask ka rin ng waiver sa penalties and interest.
Tito Boy pwede pa rin bang kasuhan ng bp22 ang taong natalbugan ng checke pero monthly naman ay naghuhulog maski papano? pano po kung yong mga checke na napalitan ng cash ay ayaw ibalik at gagamitin pa din para kasuhan ang isang tao, pede po ba yon?
@conftradia, pwede parin, kasi ang pinaparusahan ng bp22 ay ang pag-issue ng talbog na tseke na walang pondo. Ngunit maari rin gawin depensa ang “lack of consideration” kung napatunayan mong bayad na ang utang.
Tito Boy wala ho bang batas na ipinagbabawal ang lending or 5-6? Pwede ba kasuhan ang walang permit na lending? malaki na po ba ang 5% na monthly interest ng taong nag lelending o 10% po ba ay makatarungan pa din?
Good pm po atty. nagloan po kasi ako sa lending company kung saan nag-wowork po ang kumare ko, nagloan po ako ng 25k, sya po ang co-maker ko, nag-issue po ako ng tseke, mga ilan tseke lang po ang nag-good at nawalan po ako ng work. Un last check po na inissue ko pinablank check po nya. Bale nagdedeposit po ako sa kanya ng 500 or 1000 para po mabawasan lang utang ko sa kanya. At the same time po may printing press po kami pagnagpapagawa po sila ng mga resibo at check voucher ino-offset po namin ang payment ko, nitong po last late year hindi na po ako nakakapaghulog until now dahil wala po ako work, nagfile po sya ng case sa akin at sinisingil po nya ang 26k amount po na nilagay nya sa blank check na-inissue ko, ang pagkakaalam ko na lang po nasa 7k na lang po ang utang ko. pero sinisingil po nya sa akin ay 26k. May mga copy po ako ng deposit slip at mga resibo na pinagawa nila sa amin printing press. Pati po filing fee sinisingil nya sa akin, maaari po ba akong makulong? anu po ba dapat kong gawin? tulungan nyo po ako.
lesson no. 1, wag mag issue ng blank check because presumption is every check is issued for a consideration
small claims court lang yan 26k pero pede rin BP22 for the bounced checks, depensa mo yung ex-deal nyo lalo na kung in writing ang offsetting, pag tinanggi kasuhan mo rin for the unpaid printing fees, cguro naman may purchase order yan para charge mo rin ng interest for the unpaid services
Anong case ba na file sa iyo, BP22 or small claims?
BP 22 po e, pero ang name po ng company nila Mega Mint pero ang nagdedemanda po sa akin un co-maker ko po kasi po dun po sya nagwowork, kumare ko po sya. Makukulong po ba ako dito kasi eto po ang problema ko, kasi po ang interest po nila mula po nun april 2008 samantalang nakakapagdeposit po ako sa kanila ng 2009 at ang last delivery po ng husband ko sa kanila september 2009. HIndi po nababawasan un interest ko at utang ko po sa kanila, tulungan nyo po ako sa advice nyo salamat po
di ka makukulong , humarap ka sa court pag pina summon ka, makipag arrange ka ng payment na kaya mo. bailable din naman yan
@confradtia, lending is regulated by the BSP if registered as such, however there is no prohibition as to who can lend, dami nga bumbay jan oh,
as to the 5% or 10% interest per month, SC once ruled that the interest of 3% per month is iniquitous and unconscionable, in other words di makatarungan at mataas, kaya ang legal interest na imposed ng courts ay 12%p.a.
however, since there is no more usury law the parties are free to agree on the stipulated interest whether it be 5% or 10% per month and there is nothing illegal about it for obligations arising from contracts have the force of law between the contracting parties.
maraming salamat Tito Boy and granger 1220! ang galing naman, gusto ko sana maging iskolar kaya marami pa cguro akong dapat malaman para maiconsider. tnx po ulit.
Astig tong site na to. Atty, hingi lng po ako ng advise. May binili kong sasakyan na nagdown ako ng 55k na cash nung feb 6. ibinalik ko kaagad dahil sira po yung kotse pagkagamit ko, buti ndi ako sa kalsada nasiraan. pumayag nman sila sa solian pero di po nila agad naibalik yung cash. ang hirap po kasi antay ako ng antay, ibabalik daw “agad” yung pera, ibebenta lng din yung kotse. so hawak ko po o.r. at c.r. ng kotse at inisyuhan ako ng tseke. yung tseke po naka pay to the order of cash at open dated po. pero more than 2 months na at hindi pa rin ako mabayaran. sinabi ko po sa knila idedeposit ko na yung tseke, lagyan ko lng ng date. sabi sa kin sa text wala daw pondo at tatalbog lng. pinagbigyan ko pa po kasi mabait naman ako pero kelangan ko na pera ko. pano po dapat kong gawin? more power po sa inyo.
Ideposit mo yung check, para pag tumalbog, ma sampahan mo ng BP 22. Bahala na siya magpaliwanag sa fiscal. At least ma-pressure siya mag labas ng pera.
Kapag civil case lang kasi, medyo mahina ang dating. Kaya dapat bp 22 para may criminal aspect.
rescission plus damages
Thanks Tito Boy. Sundin ko po payo niyo. San po pala ko pwede kumunsulta o makakuha ng abogado kung may kaso na ko? Ito po ang magiging unang beses na magkakaroon ako ng ganitong kaso, kaya hindi ko po tlaga kabisado ang pasikot sikot. Sana kung may alam po kayo send nyo po sana sa email ko. San din po mura lang ang atty’s fee kasi wala rin po talaga kong pera eh. Thanks po sa mga payo. I will recommend your site to those who need advice on legal matters.
@granger
pwede mo ba elaborate yung rescission plus damages?
Salamat
it is one of the 3 remedies available to the aggrieved party when one fails to perform or there is breach in the performance of the obligation:
1. demand specific performance plus damages
2. rescission plus damages
3. indemnification plus damages
rescission means cancellation of the transaction or the sale where both the parties are restored in their original position prior to the sale, it entails the return of the object and the consideration paid for plus damages to the aggrieved party
in your case, you already returned the car but they failed to return your money so rescission is not completed hence your remedy is to deposit the check issued to you and should it bounced file a BP22 criminal case to compel them to return to you what is unduly in their possession, damages (civil action) come in if you sustain such due to their non-performance of their original obligation that is to deliver the car in good condition.
@granger1220
So it means that with rescission, both parties need to perform their obligations and restore everything to their original state which means they’d have to give back my money as i have already returned the purchased item, as both parties have agreed on the cancellation/revocation of the deal. How should my case go? ?My worry is that in the check, it is written “pay to the order of cash” and was not named after me. Another is that it is open dated. will there be any problem if i am the one to write the check date and can it be filed for BP 22 even if the check is not under my name? Is there any loophole that they may find around that? And will it qualify as proof if I have a text message from them telling me that the check has no funds and was only issued as a guarantee? I mean does a text message as such qualify as a form of deceit?
Thanks for answering my queries and more power to you both.
In BP 22 mere issuance of check is enough. No need to be under your name or kung walang fund. Anyway, I sent you an email, please check it out
hi sir ,
question lng po, my loan po kc ako sa asialink at 3months(3 checks)n po ang hindi npondohan,ngaun po puro harassment calls/sms ang nkukuha ko pati un co-maker ko, during those time po kc nawalan ako ng work, and kakaumpisa ko lang sa bago kea d ko agad cla mabayadan,un loan ko is just 15k and 6mos. n ko ngbabayd good for 12mos, yun pesteng collecter idedemanda daw kme ng co-maker ko bp22, at ibibilad daw ako sa khihiyan,gusto ko ng patulan eh, kaso d ko alam kun ano gagawin ko. gusto ko dng isettle kso nkakapikon cla,. ambabastos. ipatuloy ko pa b un demand pra mglaban kme sa korte sa maliit n halaga.. sa sobrang inis ko imbes ng mgbayad ako eh prang ayoko ko n.. help me out thanks.
Daryl,
Kunin mo ang latest Statement of Account (SOA) mo sa bank or collector para malaman mo magkano ba talaga utang mo.
Since delayed kana, expect na tataas yun sa interests and penalties. Pero you can ask for discount on interests and penalties para bumaba.
Kapag bumaba na yung SOA mo, saka ka magpropose ng “restructuring” or staggered payment (e.g. 2k monthly) hanggang sa mabayaran mo in full.
Tutuluyan ka niyan sa korte kahit maliit lang ang halaga kasi may small claims court na. Hindi na gagastos ng malaki sa abugado.
Kapag pinabayaan mo yan lalong lalaki yan, isang araw paggising mo 100k na pala utang mo.
Kaya ayusin hanggang maaga.
you must settle it
Good day po! Tito Boy yong nabanggit nyo ang mediation, pag nakaabot po ba don sa mediation may record n pagkumuha ng police clearance or nbi?
Criminal case lang ang lalabas sa NBI. Mediation sa criminal case lalabas yun.
Good day po! Tito Boy yong nabanggit nyo ang mediation, pag nakaabot po ba don sa mediation may record n pagkumuha ng police clearance or nbi? Pwede ko rin po ba mahingi email add nyo Tito Boy? may gusto lang po ako iconsult sa inyo.
Salamat po!
Pm mo na lang ako sa forum confradia
nangutang ako ng 20k..tapos nakahulog ng mga kalahati then nawalan ng trabaho kaya po na stop ung hulog..ang prob ko ay nakapag issue ako ng blank checks..may pirma lang..pero walang amount,then may dumating na demand letter na nagsasabi na nag issue daw ako ng check na worth 60k..paano po ung interest na ganun kalaki to think na 20k lang nahiram ko?..may kulong po ba yun?
Issuance of checks without funds is violation of BP22 or Bouncing Checks Law which is a criminal case, pero di ata nagpapakulong ngayon.
Kung wala kayo pinagusapan interest eh di 12% legal interest per annum. Kung meron isipin mo at magcompute.
Kabilib naman tong site na to, bakit ba now ko lang nakita to , sabagay now lang naman ako natutong mag internet hehe..Pero Tito Boy hingi pa rin ako ng advice , dati po kasi may lending business ako may business permit , kaso 2005 nagumpisa na ko malugi maraming di nakakabayad may mga bouncing checks din , ung iba wala collateral , anu kaya ang pwede ko gawin para makasuhan sila? May pag-asa pa po ba ko mabawi kahit mga puhunan na lang ? pasensys na po kung mahaba Thank you po Tito Boy.
Oo, kaso prescribed na yung bp 22 case sa sobrang tagal. Pwede civil case – small claims. read my post on small claims. Hindi mo kailangan ng abugado dun.
Tito Boy, binasa ko po post nyo on small claims dami ko natutunan, may pag-asa pa pala, kalungkot kasi, ngayon ako na naghahanap ng mauutangan wehuhuhu, lagi na ko dadalaw dito para mag-aral , wag po kayo magsawa. Salamat pong marami.
Hi Tito Boy, merun din po akung kasong ganyan , me naghiram sakin sa halagang 200k at
nag issue ng check ,humingi ako ng collateral para naman me hawak ako at nagbigay naman sya sakin ng tittle ng lot nya . Nakaraan ang ilang buwan ..tumalbog nga check na issue nya, ang usapan namin isang buwan lang at ibabalik nya kaagad ang pera ko ,nakiusap naman uli sya na kunin ung collateral nya para ibinta at para mabayaran ako, at ang ipinalit nya isang tittle na nabili nya at d pa na transper sa pangalan nya .at naniwala naman ko sa kanya at para maibalik na ang pera ko.sakasamaang palad gang ngaun wala parin nagyari at puro pangako nalang. anu kaya ang dapat kung gawin at anung pang kaso ang pwede kung isampa sa kanya? maraming salamat at more power to u
Civil case, collection for sum of money. Kung niloko ka talaga, baka sumampa sa estafa kasi pinapalabas niya sa kanya yung titulo ng lupa na pinalit sa naunang collateral.
Hi Tito Boy itatanong ko lang po sana kung anung pwedeng gawin sa mga na rediscount namin na cheke pero noong araw ng singilan ay talbog na pala. meron po kasi kaming tauhan na kumukuha ng mga cheke na mag papa rediscount sa amin. yun nga po ang nang yari talbog yung ibang cheke at nasa milyon na po ang usapan sa mga talbog na cheke. ang huling pag uusap naman na nang yari between sa amin at dun sa tauhan namin na kumukuha ng cheke eh sya na lang daw ang mag aabono… naaawa na po ako sa momi ko dahil sa tingin ko po ay naloko sya ang tingin ko po ay nagamit ng tauhan namin yung mga pera na dapat ibabayad samin… yun po ay sa aking sariling palagay lamang… kasi po dati ganito ang mang yayari, may mag papa rediscount sa amin tapos bago mag due date babayaran kami ng cash.. kung hindi man buo ay mababayarin din lahat… tapos nung mga sumunod na months eh wala ng napasok samin na pera… tapos po lahat nung talbog na cheke ay kinuha noong tauhan namin at sya na lang daw ang sisingil.. ngunit ngayon pag naka usap namin ang sinasabi samin ay laging busy or hindi pa daw sya nakaka singil.. ano po ang dapat naming gawin para po mabalik ang pera na hiniram sa amin… salamat po
@Solido singko,
Tanungin mo mismo yung nag-issue ng check. Kung na-confirm mo na niloloko ka nga, e sampahan natin ng estafa or qualified theft yang tauhan mo.
If not, BP 22 lang ang options natin. Kakasuhan natin ang mga nag-issue ng checks.
Estafa and BP22 for the rediscount checks that bounced and qualified theft for the employee.
gud pm po..
tanong lang po…sa isang foundation po ay nakakapag-loan po kami at ang collateral ay mga post dated checks.. sa mga binabayad namin bukod pa sa aming amortization ay may kasamang CBU (savings), mahigit 3 cycle o ulit na kaming nakaka-avail ng loan dito sa foundation na atin subalit sa huling loan po namin sa hindi inaasahan dahilan ay humina ang aming computer shop. March 25, 2010 kami ng aking asawa ay magkasama dahil graduation po ng aming nag iisang anak sa nursery, tumawag po ang aming banko at sinabing may pumasok na checke, sinabi ng asawa ko maghuhulog kami ng cash subalit pagdating po niya sa banko ay nai-close na po ng banko ang aming account. Kinabukasan po ay pinatawagan ko ang nasabing foundation ay sinabing na close account po ang aming checke at nakiusap sa kanila na papalitan na lamang po namin ng cash ang ibang checke na dapat ay kanilang kolektahin. Subalit dahilan po sa sobrang hina ng aming negosyo ay hindi kami nakapagbayad at nakiusap sa kanilang kolektor na magamit ang aming savings pero hindi sila pumayag. Isang araw dumating ang kanilang kolektor kasama ang kanilang manager at pinipilit po akong bayaran ang kalahati ng aming utang subalit nakiusap po ako na bigyan pa ng palugit at nakiusap rin na magamit ang aming savings upang hindi na ako mabigyan pa ng penalty at muli hindi sila pumayag at pinilit akong pumirma sa kasulatan at sinabi na kung hindi at babatakin nila ang aming mga computers, nakiusap po ako na iyon lang po ang hanapbuhya ko at tuluyan na kaming hindi makakabayad ng aming utang kung kukunin nila ang mga ito pero pilit po nila akong pinapirma dito. Dumating po ang araw na kanilang tinakda (May 27,2010) at naibigay lang po namin ang kalahati ng napag-usapan at muli pinapirma po ang aking asawa ng kasulatan na hindi daw nya nabasa dahil sa kalituhan at sa paghingi na pakiusap. Muli pong bumalik ang nasabing kolektor at naabutan pa niya ang isang borrower at nakiusap din s kanya dahil mahina ang kaniyang negosyo, umalis po ang nasabing borrower at naiwan kami ng nasabing kolektor at tinanong niya ako kung kelan ako makakapaghulog, sagot ko ay pag nagkaroon ako ng pera ay dadalhin ko sa opisina nyo. umalis siya, at ito nga pong nakaraang linggo ay nakatanggap kami ng subpoena na dated June 4, 2010 sa kasong BP 22.. ANO PO ANG DAPAT NAMING GAWIN??? pumunta na po si misis sa kanilang opisina at nakiusap na bigyan kami ng palugit at magamit ang aming savings para makabawas sa aming utang. ANG SAGOT PO SA AMIN AY BAYARAN NA LAMANG ANG UTANG NAMIN AT HUWAG NG INTINDIHIN ANG NASABING SUBPOENA… TAMA PO BA ITO?
atty tanong lang
nasabi nyo kasi na pag sa mediation lalabas sa NBI criminal case pa rin, if ever na na-settle na yung utang hindi na po ba maaalis yun s record ng NBI?
salamat po
Tanung ko lang po Anu po ba ang kasong Estafa through misaapropriation?kasi po ako ay resigned officer ng aming asosayon bilang treasurer at nagkaroon ng agreement ang may.ari ng lupa at ang presidente na magkaroon ng 50 % sa collection ng equity at nung nangolekta ng equity imbes na kuhanin ung 50% NA EQUITY ay pinambayad ito sa Land development kasi tao o myembro ang nag.padevelop nung lupa ngayong patag na ay nais kuhanin na ng may.ari at pinawalang bisa na ang 50% na binigay para sa asosasyon at ginawa ng pribado ang pagbebenta ng lupa.Ang may.ari ng lupa ay may representative na pinadala at hindi na asosayon ngayon inudyokan ang mga tao na idemanda ang asosasyon ng Estafa through Misaapropriation dahil daw hindi nakabayad sa equity at kasama po ako sa demanda na kung saan ay matagal na akong resign.pwede po ba nilang gawin ito?at criminal case po ang kasong isinampa?worried lang po ako dahil wala pong harapan na nangyari pero lumabas ang subpoena pwede po ba ito?labag po ba ito sa Homuan rights?
Hi Tito Boy,
Question po… Nag issue po kami ng worth 520k na check sa isang supplier. Since di ko po sya kayang punan yung 520k, nag deposit lang po ako sa accounts nila ng 300k. Yung check po, ayan po nila ibigay tpos nananakot po na ipapasok nya yun. Tapos demanda na lang daw po ako. Possible po ba un samantalang nakapag bigay na po ako ng 300,000?
Yes for what you made is only partial payment.
Hi Granger.
thanks for your reply but the question is hindi ba unfair naman un n ipasok pa nila yung 520k samantalang nag pasok na ako ng 300k. so ang utang ko na lang sa kanila eh 212 k. I have no intensions of running away from my obligation. I even told her that i can give her 20k monthly pero ayaw nya.
The original terms of payment to settle the 520k in full on a specified date that is why a PDC was accepted by the supplier. The fact that they have not deposited it yet on the due date of the check means that you are still given a chance to repay but they have all the right to deposit said check since you are in default.
What you asked is if it is possible and the answer is YES. Unless, they agree to another terms which unfortunately they did not as you have said so.
Good intentions does not always free us from complying with obligations already contracted for obligations arising from contracts have the force of law between contracting parties and must be complied with in good faith.
Next Comments →
{ 1 trackback }