“WE DON’T ACCEPT CHECKS.” Ilang beses ko na narinig ‘to. Mahirap na kasi, kahit ako ang negosyante, hindi rin ako papayag, pwera na lang kung matagal ko na siyang kliyente.
Kung tutuusin ay maraming pakinabang ang paggamit ng tseke.
Una, mabilis ang transaksyon. Hindi kasi karaniwang nagdadala ng libo-libo o milyon-milyong pera ang mga tao sa bulsa dahil nasa banko lang ang kanilang mga kayamanan, unless kagayan mo ang mga Ampatuan na may sariling Bank Vault sa bahay.
Kaya sa mga panahong kailangan masarado ang deal na agad-agad, tseke ang soluyon.
Pangalawa, kaligtasan. Halimbawa bibili ka ng sasakyan at magbibigay ka ng downpayment na P500,000, kaya mo bang mag-withdraw ng ganong halaga sa bangko at dalhin sa lugar ng usapan nang hindi namamatay sa nerbyos?
Kaya kung magbabayad ka ng malaking halaga, mas mainam na i-tseke mo na lang. Dahil kung mawala o mapasakamay man ng ibang tao ang tseke, hindi pa rin nila ito mapapakinabangan kung naka cross check o payable lang sa account ng payee.
Kaso, dahil sa pag-abuso at mga panloloko gamit ang tseke, naging allergic na ang iba. Ito ang dahilan kaya pinatupad ang batas laban sa pagsira ng integridad ng tseke sa kalakalan.
Hindi lang isa, kung dalawa ang maaring haraping kaso ng isang nagpatalbog ng tseke: (1) Ang paglabag sa Batas Pambansa Blg. 22 o ang Anti-Bouncing Check Law at; (2) Estafa under Article 315, paragraph 2(d), ng Revised Penal Code.
ELEMENTS NG BP 22
Nais ko munang linawin na pinaparusahan ang taong lumabag sa BP 22 hindi dahil sa may utang sila, kundi dahil sinisira nila ang kahalagahan ng tseke sa lipunan at kalakalan. Tulad sa naunang sinabi ko, “walang nakukulong sa utang.”
Kaya may tatlong elemento ang BP 22 na dapat patunayan para makalaboso ang nag-isyu ng talbog na tseke:
(1) Syempre una ang paggawa at pag-isyu ng tseke para ipambayad (the making, drawing, and issuance of any check to apply for account or for value).
Kung walang tseke, walang kaso. Laging pinapalagay (presumed) na ang tseke ay inisyu na may konsiderasyon tulad ng pambayad sa utang, pinambili, etc. Kaya hindi mo pwedeng sabihin na nag-isyu ka ng tseke para i-accommodate lang ang kaibigan mo at wala kang natanggap ni isang kusing.
(2) Alam ng akusado na noong araw na inisyu niya ang tseke ay wala itong pondo kapag napresenta sa bangko para kubrahin.
(3) At ang pag-dishonor ng bangko sa tseke dahil kulang sa pondo o di kaya ay pinahinto ng nag-isyu nito (stop order payment) na walang dahilan. In short, tumalbog ang tseke.
Lack of Notice bilang depensa sa BP 22
Hindi sapat na basta na lang tumalbog ang tseke. Kailangan mapatunayan nang walang kaduda-duda na alam ng nag-isyu ng tseke na wala itong pondo noong inisyu niya.
E pa’no niya malalaman na tumalbog ang tseke niya?
Dapat padalhan mo siya ng love letter.
Nakalagay kasi sa BP 22 na dapat ipaalam sa nag-isyu ng tseke, sa pamamagitan ng sulat, na talbog ang tseke niya at dapat bayaran niya itong ng limang (5) araw. Kung hindi pa rin siya nagbayad sa loob ng limang (5) araw, pwede mo na siyang sampahan ng kaso sa paglabag ng BP 22.
Kaya kung wala kang maipakitang katunayan na may written notice ka sa nag-isyu ng tseke, talo ang kaso mo. Hindi sapat ang verbal notice lang ayon sa Korte Suprema. Hindi lang yun, dapat ay matanggap nang aktuwal ng nag-isyu ng tseke ang sulat.
Kaya huwag muna sayangin ang laway mo, kahit bumula pa ang bibig mo sa kakamura sa taong nagpatalbog ng tseke, hindi ‘yan papansinin ng hukom bilang katunayan na may notice kang binigay.
“Mahirap gisingin ang taong nagtutulog-tulugan,” kaya mahirap din padalhan ng sulat ang taong ayaw makatanggap. Ito ang reyalidad ngayon, dahil sa desisyon ng Korte Suprema, ang mga hustler, swindler at estafador, ay nakakaiwas sa kasong ito dahil magaling silang magtago.
Kahit alam naman talaga natin na alam nang nag-isyu ng tseke na walang pondo ito, hindi pa rin sila ma-convict dahil walang written notice, dinadaan nila sa technicalities at loophole na ito.
NAPUTULAN NG PANGIL
Ang paglabag sa BP 22 ay may parusang kulong na hindi bababa sa 30 araw at hindi lalampas ng 1 taon; o multa na hindi bababa sa halaga ng tseke at hindi lalampas ng doble sa halaga ng tseke o halagang P200,000. Pwede ring parusang ng sabay na kulong at multa ang akusado depende sa utos ng hukom.
Ngunit sa isang kaso na may titulong “Eduardo Vaca vs. Court of Appeals” ay tinanggal ang parusang kulong na binigay ng mababang hukuman sa akusado.
Matapos nito ay nagpalabas ng Administrative Circular No. 12-2000 (as clarified by A.C. 13-2001) ang Korte Suprema kung saan pinapaalalahanan ang mga hukom na kung maaari ay hatulan lamang ng multa ang mga akusado sa kasong BP 22 depende sa sitwasyon.
Mangyari, kung first time offender lang ang akusado ay multa lang dapat ang ibigay na parusa, pero kung estafador talaga, maaring ipataw ang parusang kulong.
Kaya ang dating bangis ng BP 22 ay medyo nabawasan dahil multa na lang ang maaring abutin ng nagpatalbog ng tseke at ang naunang intensiyon ng batas ay parang kumupas, ito ay opinyon ko lang (at ng maraming tao na rin hehe)
ELEMENTS OF ESTAFA
Bukod sa paglabag sa BP 22 ang taong nagpatalbog ng tseke ay maari ring maharap sa kasong Estafa under Article 315, paragraph 2 ng Revised Penal Code.
Kung ang layunin ng BP 22 ay upang protektahan ng estado ang integredad ng tseke bilang gamit sa pangangalakal. Ang layunin naman ng kasong estafa ay upang ikulong ang mga manloloko.
Kaya ‘di tulad ng kasong BP 22 na ang pag-isyu ng tseke ay sapat na para kasuhan. Sa kasong estafa ay dapat may elemento ng panloloko o deceit.
Dahil diyan ay pwedeng ma-convict ang isang akusado sa BP 22 at hindi sa Estafa.
Halimbawa, may utang ka at pinambayad mo ay mga tseke. Kapag pumasok ang mga naunang tseke ngunit yung nahuling tseke ay tumalbog, BP 22 lang ang kaso mo dahil walang elemento ng deceit. Walang panloloko dahil may intensiyon ka talagang magbayad at patunay diyan ang mga unang pumasok na tseke.
Ngunit kong may bumili sa iyo ng alahas, at ginamit na pambayad ay mga tseke, tapos unang hulog mo sa tseke ay talbog kaagad, pwedeng pumasok yan sa kasong estafa bukod sa paglabag sa BP 22. Sa halimbawang ito ay talagang walang intensiyon na magbayad ang lokong ‘yun sa simula pa lamang. ‘Di tulad sa naunang halimbawa na pumalya lang sa pagbabayad.
Kaya yan, masalimuot talaga ang mga tseke. Kaya mag-ingat lagi.
Kung mayroon pang pagkakatiwalaang tseke ito ang manager o cashier’s check na sinasabing “good as cash”. Ito kasi ay inisyu mismo ng bangko at may nakalaang pondo na para dito, ngunit siguraduhing i-verify muna sa branch na nag-isyu.
Pero kahit ano ang sabihin mo, eto lang ang masasabi ko,
“Cash is always the King”.
——————————–
“In God we trust, all other pay cash” – Anonymous
SOURCES: Batas Pambansa Bilang 22; Article 315 par. 2, RPC; Chua vs People, G.R. Nos. 150926 and 30, March 6, 2006; Bax vs People, G.R. No. 149858, September 5, 2007; Josef vs People, G.R. No. 146424, November 18, 2005; SC AC No. 12-2000 , 13-2001.
{ 85 comments… read them below or add one }
← Previous Comments
Hi Atty,
Meron ako existing loan sa isang bank and actually it’s my 3rd time na ma-renew yung loan ko. Hindi pa ako naging delinquent but this year nagkaron kami ng financial hardship kaya ilang months na ako di nakabayad. Yung loan po ay personal/salary at ang mode of payment is PDC. Galing din sa kanila yung checks at magdeposit na lang ako para pondohan yung checks.
Last July I requested for a loan restructuring and they require me to pay Php 18,000. Nagawan ko ng paraan makahiram ng pera but August they still require me to pay Php 18,0000. I emailed the collection department na talagang hindi ko na kaya i-raise yung amount.
Sept 9, 2010 meron po ako natanggap na text:
“Mr (name), you are being charge for violation of BP22 Criminal Case Estafa Warrant of Distraint to serve against you by Clerk Of Court (name) RTC Makati B32, for complete details pls call (tel. no) (name of atty).”
After receiving the text tumawag ako agad. The person na nakausap ko sabi nya sya si atty (from collection department). Sinabi ko po sa kausap ko na for now hanggang di ako nakakabawi financially kaya ko magbayad Php 5,000 every payday so bale Php 10,000 monthly. But the collection department insists na kelangan ko na daw magbayad Php 100,000 this September and another Php 100,000 this coming October.
Tinapat ko sila na mahirapan ako mag raise ng Php 200,000 in two months so sabi ng kausap ko wala na raw options kundi i-settle na lang daw in court and they will be filing Criminal Case against me (violation of BP22 Criminal Case Estafa Warrant of Distraint)
Hindi ko naman po tinatakbuhan yung obligations. Sana mabigyan nyo ako ng advise at kung ano po dapat ko gawin. Ano po kaya yung possible na kaso ko? Maraming salamat po.
Ano po ang basis ninyo dito?
“Halimbawa, may utang ka at pinambayad mo ay mga tseke. Kapag pumasok ang mga naunang tseke ngunit yung nahuling tseke ay tumalbog, BP 22 lang ang kaso mo dahil walang elemento ng deceit. Walang panloloko dahil may intensiyon ka talagang magbayad at patunay diyan ang mga unang pumasok na tseke.”
Salamat po.
Wow! andami ko natutunan. Thanks po TB for this site. I really learned a lot.
hi atty. magandang araw po, may mga katanungan po ako,meron po kc ako existing na utang sa bank loan po ito, 3yrs po ung contract namin during my first and 2nd year good payer po ako nitong mga nakaraang buwan lang po ako nagkaproblema kc nawalan po ako ng work s di ko po napunduhan ung mga checks sa bangko mga 3 to 4 months na po ako delayed, ang sabi po sa akin na forward na po daw sa collection agency ungaccount ko clana po daw magsingil sa akin, pero ang ginagawa po ng collectio agency hinaharassed nila ako na mag bayad, nung unang tumalbog ang checke nag inform ako sa bank na nawalan ako ng work kaya di ako makapag bayad. willing namn ako tapusin ung mga natitirang checks pero di cla makapag antay pinipilit nila ako ngaun na magbayad sabi ko di ko pakayang bayaran…ang tanung kopo maari po nila akong ipakulong dun sa mga tumalbog na checks? by next month namn kaya ko na bayaran ng paunti unti para mahabol ko ung mga dapat na punduhan….
atty, this year lang, may pinatupad na naman na bagong BP ang BSP
dati kasi pwede pa mg overnight ung cheke ko, pero ngayon di na pwede, by 7 am pag walang pondo return check na agad..
atty, talaga po bang ganon, my warrant of arrest po agad kapag nagcounter affidavit po kami sa prosecutor’s office, tpos after 2 years ng pag aantay ng notice ay may lumabas agad ng warrant of arrest,kinasuhan po kasi ako ng bp 22
gud day! dati po akong meron botika,at nalugi po ito.meron akong mga utang sa suppliers,yun po mga naisyu ko tseke sa kanila tumalbog! ang sistema po kasi namin,30days! pero,upon delivery po,dapat mag isyu ka ng tseke para kabayaran dun sa stocks na dinala nila sa inyo.hindi ko na po napondohan,dahilan sa nalugi ito.pero,hindi naman po kalakihan ang utang ko sa kanila! yung isa nasa 68tou,yung isa po nasa 125tou,at yung isa nasa 70tou.pero,kun tutuusin,maliit lang na halaga ito,kumpara po sa mga iniisyu ko tseke na naunang kinukuhang stocks at nagood naman po.pero,bago po manyari ang pagtalbog na tseke,nakipag ugnayan po ako sa kanila at ipinaalam na bagsak na po ang negosyo! at para makabawas sa pagkaka utang ko sa kanila,nag sauli din po ako ng mga stocks sa kanila.tapos,gumawa ho ako ng promisory note na magbabayad ako,kaya lang po,hindi ako nakatupad sa pangako.wala na po talaga kaming income,at umuwi kami ng probinsiya para makitira at makaraos pansamantala.year2008 po yun,maari po ba nila akong kasuhan ng ESTAFA? maari po ba nila akong ARESTUHIN? at mag aapear din po ba ito sa NBI? SALAMAT!!! itago nyo na lang po ang akin name sa i888…more power
good day po atty. pahabol pala po,halos 1taon din po kaming nagtratansact,mas malalaking halaga po dati ang iniisyu ko sa kanila,nagugood naman po.nito na lng huli,hindi ko napondohan na sa kadahilanang bagsak na po ang negosyo…
Good day Atty. meron pong umutang sa min ng 50k then inissuehan nya kmi ng check babayaran nya within 10 months so bale 10 checks po yun. Sa ngayon po nka apat na buwan n po syang nghuhulog lagi po delay ang bayad kung di pa nmin itetext indi mgsasabi s min na di pa npondohan ung bangko prang lumalabas na kami pa ung nghahabol eh sila ang may utang tpos now hinulog namin ung cheke for the month of july, nung july 18, 2011 dhil due na nila nung july 15 kung d pa nmin hinulog di namin malalaman na wala pa palang pondo ung banko nila.
ang tanong ko po atty ano po ang pwede nming gawin sa tumalbog na check?
maraming salamat po sa inyong pagsagot.
pahabol pa pong tanong.
pano po kung ng closed account na po cla meron pa po ba kming habol dun s tumalbog n check? d po kc cla ng iinform s min kung kelan nila kmi babayaran or kung open or closed n yung account nila. pede rin po ba nmin makuha na lhat ung amount ng kanilang inutang + interest?
salamat po ulit sa inyong mabilis na pagtugon.
good morning po
pwede po ba makasuhan ako ng estafa kahit hindi ko po nahulugan yung check na inisyu ko sa kinla first payment pero yung first payment ko eh cash ko pong binayaran sa lending na pinag kunan ko ng pera at may mga sumonod pa po akong payment pero na hinto na din po yung pagbabayad ko.. pro po yung check start pa lang po eh hindi ko po na pondohan eh ngayun po may kaso na po ako na haharapin na bp 22. maraming salamat po
BP22
← Previous Comments
{ 1 trackback }